Bókaðu fyrirfram og fáðu besta verðið
Ef þú hyggur á að leigja bíl á ferðalaginu þínu, þá margborgar það sig fyrir þig að bóka bílaleigubílinn fyrirfram hér á Ferð.is.
Við höfum frábæra samninga við allar stærstu bílaleigur heims og það er mjög ólíklegt að draumabíllinn þinn sé ekki í boði. Sjáðu bara sjálf(ur)!
Gran Kanarí
Eyjan sem nefnd er eftir hundi
Það er engin tilviljun að Gran Kanarí er vinsælasti sólaráfangastaður Íslendinga. Fyrir það fyrsta eru yfirgnæfandi líkur á að þú baðir þig sól og sælu, sama hvaða tími árs þú kemur í heimsókn. Þú getur baðað þig í hlýjum sjó allt árið um kring og valið úr frábærum veitingastöðum. Svo eru skemmtilegar verslanir á hverju strái - meira að segja verslanir sem selja alvöru tískuvörumerki! En óttist eigi, krúttlega og heimilislega götumarkaði er einnig að finna!
Svo má ekki gleyma að það er fugl nefndur eftir eyjunni; Kanarífuglinn. En ef þú hefur sérstakan áhuga á fuglum þá er Gran Kanarí tilvalinn staður til fuglaskoðunar, það er meira að segja stærðarinnar fuglagarður á svæðinu. Sem og skemmtigarður, rennibrautagarður, grasagarður og sundlaugagarður (reyndir mjög margir slíkir). Herragarðurinn er reyndar ekki á Gran Kanarí, honum nægir Kringlan og Smáralind.
En svo það sé súmmerað upp: Það er í raun hægt að gera allt sem hugurinn girnist á Gran Kanarí; það er sannarlega eitthvað fyrir alla, konur, börn og karla eins og mig.
Hafðu í huga...
... að Kanarí er bara 210 kílómetra frá Afríku, og meðalhitinn er eitthvað yfir 30 gráðurnar á sumrin. Þar eru líka virk eldfjöll. Sjóðandi heitur staður semsagt!
Skemmtileg staðreynd:
Nafnið „Kanarí“ þýðir í raun hundur. Án gríns. Það er meira að segja til Kanaríhundur.
Ef ég hitti þig á ströndinni mun ég ábyggilega veifa til þín!
