Bókaðu fyrirfram og fáðu besta verðið
Ef þú hyggur á að leigja bíl á ferðalaginu þínu, þá margborgar það sig fyrir þig að bóka bílaleigubílinn fyrirfram hér á Ferð.is.
Við höfum frábæra samninga við allar stærstu bílaleigur heims og það er mjög ólíklegt að draumabíllinn þinn sé ekki í boði. Sjáðu bara sjálf(ur)!
Algengar spurningar
Bókanir og flugmiðar
Sérstakar fyrirspurnir/séróskir
Þjónustugjald fyrir sérstakar fyrirspurnir/séróskir er kr. 1500 á hverja bókun. Óskir þú eftir því að starfsmenn Ferð.is sendi sérstaka fyrirspurnir til gististaða (t.d. óskir um annan gististað eða herbergjategundir en Ferð.is býður uppá) þarftu að gefa upp kreditkortanúmer því til staðfestingar. Þjónustugjald gengur upp í bókun verði hún að veruleika, en ef ekkert verður af bókun skuldfærist þjónustugjaldið á kreditkortið.
Kostar aukalega að bóka í síma hjá Ferð.is?
Já, það kostar 2500 kr. á hvern farþega.
Hvað er E-miði?
E-miði er rafrænn farseðill sem vistaður er í tölvukerfi Ferð.is og er því ekki hægt að týna honum, stela eða gleyma. Eftir að búið er að ganga frá bókun á vefnum er E-miðinn sendur í tölvupósti á það tölvupóstfang sem gefið var upp í bókunarferlinu.
Fleiri en einn farþegi í bókun: Er eingöngu VISA korthafinn sem greiddi ferðina með VISA Láni tryggður?
Þótt að ferðin sé greidd með VISA Láni gilda ferðatryggingarnar á sama hátt og hafi ferðin verið greidd á hefðbundinn hátt t.d. fyrir maka og börn. Einnig eru farþegar í bókun tryggðir samkvæmt tryggingaskilmálum síns VISA korts hafi a.m.k. helmingur ferðakostnaðar verið greiddur með einhverju VISA kreditkorti.
Vinsamlegast kynnið ykkur nánar tryggingaskilmála VISA hér.
Get ég breytt farseðlinum mínum?
Breytingar:
0-7 dögum frá því að bókun er gerð ( þó minnst 4 vikum fyrir brofför) er hægt að breyta bókun án endurgjalds. Eftir það er hægt að breyta bókun gegn 6500 kr. breytingagjaldi.
Ef reglur samstarfsaðila okkar ganga lengra en að ofan greinir, gildir sú regla sem gengur lengra
Fæst farseðill endurgreiddur ef ég kemst ekki í ferð, t.d. vegna veikinda?
Eftirfarandi er tekið úr skilmálum Ferð.is og segir til um hvernig endurgreiðslu er háttað eftir því hversu langt er í brottför á tiltekinni ferð:
Ferð afpöntuð innan við 3 dögum frá pöntun og minnst 4 vikum fyrir brottför:
-Full endurgreiðsla (að frádregnu 5000 kr þjónustugjaldi).
Ferð afpöntuð meira en 4 dögum frá pöntun en þó 4 vikum fyrir brottför eða fyrr:
- Full endurgreiðsla að 15.000 kr á mann undanskildu.
Ferð afpöntuð 15-28 dögum fyrir brottför:
- 25% af verði ferðar óendurkræft, þó aldrei lægri upphæð en 15.000 kr á mann.
Ferð afpöntuð 8-14 dögum fyrir brottför:
- 50% af verði ferðar óendurkræft, þó aldrei lægri upphæð en 15.000 kr á mann.
Ferð afpöntuð minna en 7 dögum fyrir brottför:
- Engin endurgreiðsla.
Ef reglur samstarfsaðila okkar ganga lengra en að ofan greinir, gildir sú regla sem gengur lengra. Endurgreitt er inná kreditkort ef greitt er með þeim.
--- --- ---
Ferð.is býður einnig upp á forfallatryggingu sem virkar skv. eftirfarandi skilmálum:
Gjaldið á forfallatryggingu er 2000 kr. fyrir fullorðna og 1000 kr. fyrir börn. Forfallatrygging tryggir endurgreiðslu á þeim hluta fargjalds og gistikostnaðar sem greiddur hefur verið og ekki fæst annars endurgreiddur, ef farþegi getur ekki farið í fyrirhugaða ferð vegna:
Dauðsfalls, skyndilegs alvarlegs sjúkdóms eða slyss sem krefst sjúkrahússvistar hans, maka hans, hvort sem um er að ræða maka samkvæmt hjónabandi eða staðfestri samvist, sambýlismaka, barns farþega eða barnabarns, foreldra hans eða tengdaforeldra, afa hans, ömmu eða systkina (framvísa þarf vottorði), verulegs eignatjóns á heimili hans eða í einkafyrirtæki sem gerir nærveru hans nauðsynlega (lögregluskýrsla liggi fyrir). Framangreind tilvik skulu vera þess eðlis að óhjákvæmilegt sé að afturkalla áður gerða pöntun. Sé ferð afturkölluð af ástæðum sem taldar eru upp hér að ofan er forfallatrygging, þjónustugjald (5000 kr.), og lántökukostnaður óafturkræft.
Ýmis greiðslukort fela einnig í sér forfallatryggingu og hvetjum við viðskiptavini okkar til að kynna sér þá skilmála hjá viðkomandi greiðslukortafyrirtæki.
Er hægt að panta flug aðra leiðina hjá Ferð.is?
Já, hægt er að panta aðra leiðina hjá okkur og er það gert í flug hluta bókunarvélarinnar.
Hvernig bóka ég mína ferð.is hjá Ferð.is?
Einfaldast og hagkvæmast er að bóka ferðir í gegnum bókunarvélina á heimasíðu Ferð.is. Hún er aðgengileg á öllum síðum heimasíðunnar. Þú velur einfaldlega þau leitarskilyrði sem henta þér, þ.e. áfangastað, brottfarardag, heimkomudag, o.s.frv. og leitar.
Athugaðu að tekið er 2500 kr. þjónustugjald á hvern farþega þegar gengið er frá bókun í gegnum síma.
Flugið
Get ég verslað um borð?
Hvernig mat er boðið upp á um borð?
Í flugi á vegum Icelandair:
Farþegum gefst kostur á því að kaupa samlokur um borð gegn gjaldi. Greiðsla er tekin fyrir áfenga drykki og gos. Börn, 11 ára og yngri, fá mat án endurgjalds.
Í flugi á vegum Iceland Express:
Farþegum gefst kostur á því að kaupa samlokur um borð gegn gjaldi. Greiðsla er tekin fyrir áfenga drykki, gos og vatn .
Má ég fljúga á meðan ég er barnshafandi?
Get ég notað tölvuna mína um borð?
Öll notkun á farsímum, talstöðvum, fjarstýrðum leikföngum og öðrum tækjum sem gefa frá sér útvarpsbylgjur er stranglega bönnuð þar sem hætta er á að útvarpsbylgjur geti truflað leiðsögutæki og tölvur sem notaðar eru við stjórn nútímaflugvéla.
Notkun á ferðatölvum, ferðageislaspilurum, upptökutækjum, myndbandsupptökuvélum og tölvuleikjum er aðeins leyfð meðan á flugi stendur en er bönnuð í flugtaki og við lendingu.
Notkun gangráða, heyrnartækja og annarra tækja sem nauðsynleg eru af heilsufarsástæðum falla að sjálfsögðu ekki undir ofangreindar takmarkanir.
Hversu mikinn farangur má ég ferðast með?
Flug með Icelandair:
Hámarksfarangur fullorðinna og barna eldri en 2ja ára til og frá Íslandi er 20 kg á farþega. Börn yngri en 2ja ára fá 10 kg á Evrópu. Farþegum er heimilt að hafa með sér eftirfarandi handfarangur:
- Tösku, hámarksstærð 55x35x25 sm. Hámarksþyngd 6 kg.
Við mælum með því að farþegar beri fjármuni, skartgripi, mikilvæg skjöl, lyf og ferðatölvur í handfarangri. Um sérstakan farangur eins og hjól, golfsett og skíði gilda ákveðnar reglur sem áríðandi er að kynna sér vel.
• Hreyfihamlaðir farþegar mega hafa hjólastól með sér til viðbótar við farangursheimildina, en hann verður að fara með innrituðum farangri.
Flug með Iceland Express:
Hver farþegi má innrita farangur allt að 20 kg. Óheimilt er að færa farangursheimildir á milli bókana. Farþegum er heimilt að hafa með sér eftirfarandi handfarangur:
- Tösku, hámarksstærð 55x35x25 sm. Að auki máttu taka með þér handtösku, frakka eða kápu, fartölvu, myndavél og poka með vörum úr fríhöfn. Heildarþyngd handfarangurs, að öllu þessu meðtöldu, má ekki vera umfram 10 kg.
Börn undir 2ja ára aldri sem ekki hafa flugsæti hafa ekki ofangreindar farangursheimildir. Greiða þarf fyrir farangur sem er umfram ofangreind mörk og er gjaldið 1.000 ISK (8 GBP, 85 DKK, 11 EUR, 95 SEK) fyrir hvert kíló aðra leið. Fyrir sérstakan farangur svo sem golfsett reiðhjól brimbre! tti svifdreka skíðabúnað o.þ.h. greiðist sérstakt gjald 2.500 ISK (20 GBP, 200 DKK, 25 EUR, 250 SEK) Athugið að gjaldið er innheimt í gjaldmiðli brottfararstaðar hverju sinni.
Áskilinn er réttur til að hafna flutningi á farangri sem fer út fyrir skilyrði þau sem áður eru nefnd.
Hvað kostar það mikið að vera með yfirvigt?
Hjá Iceland Express kostar hvert aukakíló 1500 kr.
Hver er réttur minn ef flug er fellt niður eða seinkar?
Eftirfarandi er tekið úr ferðaskilmálum Ferð.is:
AFLÝSING OG BREYTINGAR Á FERÐAÁÆTLUN
Vegna atburða og aðstæðna sem telja má ófyrirsjáanlega og þess eðlis að ferðaskrifstofan getur á engan hátt haft áhrif á atburðarás, né afleiðingar tengdum þeim, ber ferðaskrifstofan enga ábyrgð. Í slíkum tilvikum er ferðaskrifstofunni heimilt að breyta eða aflýsa ferðinni með öllu, enda verði farþegum tilkynnt þar um tafarlaust.
Geri ferðaskrifstofan breytingar á ferð áður en hún hefst skal tilkynna það farþega svo fljótt sem unnt er. Sé um verulega breytingu að ræða ber farþega að tilkynna ferðaskrifstofunni eins fljótt og unnt er hvort hann óski eftir að rifta samningnum eða gera viðbótasamning.
Ferðaskrifstofunni er heimilt að aflýsa ferð, ef í ljós kemur að þátttaka er ekki næg. Í leiguflugi miðast lágmarksþátttaka við að a.m.k. 65% nýting sé í viðkomandi flugvél, bæði á út- og heimflugi. Sé nýting tiltekinnar flugleiðar á ákveðnu tímabili (flugsería) að jafnaði undir 70% er ferðaskrifstofu heimilt að fella niður öll flug á tilteknu tímabili á þeirri flugleið (flugseríu), jafnvel þó lágmarksþátttaka hafi náðst í einstaka flugi. Í sérferðum gildir að lágmarksþátttaka er 20 manns nema annað sé sérstaklega tilgreint í auglýsingum eða sölubæklingum.
Hvað geri ég ef farangurinn minn týnist?
Týnist eða skemmist eitthvað af innrituðum farangri þínum á leiðinni skaltu tilkynna það tafarlaust til starfsmanns eða fulltrúa þess flugfélags sem flogið er með. Farangur í flugum er á ábyrgð flugfélagsins en ekki Ferð.is. Hvers kyns kröfum verður að skila inn skriflega innan sjö daga. Þar sem skaðabótaskylda flutningsaðila vegna taps, tafa eða tjóns á farangri er takmörkuð er farþegum ráðlagt að kaupa sínar eigin ferðatryggingar. Allar kröfur velta á því að sannað sé að tjón hafi orðið. Ef farastjóri tekur á móti farþegum mun hann aðstoða við að endurheimta farangur, sé þess óskað. Almenn regla er að flugfélög áskilja sér rétt til að neita flutningi á meira en því sem nemur farangursheimild í sama flugi og farþeginn flýgur með.
Hvernig flugvélar notar Ferð.is?
Það er misjafnt eftir áfangastöðum. Oftast er verið að nota boeing 737 eða boeing 757 flugvélar. Langoftast er flogið með vélum frá Icelandair en í sumum tilfellum er flogið með vélum frá Iceland Express.
Hverju þarf ég að framvísa við innritun í flug?
Framvísa þarf ferðatilhögun og/eða E-miða sem þú færð sendan á tölvupóstfangið þitt eftir að bókað er á netinu. Ef þú gengur frá bókun á skrifstofu eða í gegnum síma færðu ferðatilhögun og E-miða á staðnum eða sent í pósti. Allir farþegar þurfa að hafa vegabréf.
Sérþarfir
Hjólastóll: Hvað geri ég ef ég þarf að ferðast með hjólastól?
Þessi þjónusta er í boði fyrir þá sem eiga erfitt með að hreyfa sig á milli staða eða í farþegarými. Vinsamlegast hafið samband við Ferð.is til að fá upplýsingar um hjólastólaþjónustu og takið fram hvort farþegi ferðast með eigin hjólastól og hvort um er að ræða rafmagnshjólastól. Ef bókað er um vefsíðu Ferð.is þarf að hafa samband við ferðaskrifstofuna.
Athugið:
Af öryggisástæðum er ekki lengur leyfilegt að fylgja farþegum sem að á aðstoð þurfa að halda út að brottfarahliði. Starfsmenn flugvallarins á hverjum stað sjá um þá fylgd þ.e.a.s. ef að óskað hefur verið eftir þeirri þjónustu.
Vildarpunktar, greiðslukjör og ferðaávísanir
Hvaða greiðslukjör eru í boði hjá Ferð.is?
Nokkrir möguleikar eru fyrir hendi í þeim efnum.
Ef bókað er á netinu er hægt að velja um að greiða 25% eða 50% af heildarkostnaði um leið og bókað er og skipta eftirstöðvum í tvær eða þrjár greiðslur. Að sjálfsögðu er hægt að fullgreiða ferðina um leið og bókað er.
Er hægt að nota Mastercard ferðaávísun hjá ykkur?
Já, en mundu að þú verður að greiða fyrir ferðina með Mastercard greiðslukorti.
Bókunarferli:
- Þú bókar og gengur frá flugferðinni á ferðaskrifstofunni/á netinu
- Þú greiðir flugferðina að fullu með MasterCard greiðslukorti
- Þú sendir afrit farseðils/ferðagagna og framselda ávísunina (frumrit ávísunar)til MasterCard.
- Þú færð andvirði ávísunarinnar greidda inn á kortið þitt
- Hámarks nýting miðast alltaf við andvirði ferðakostnaðar
- Sé ávísun ekki nýtt að fullu þegar ferð er greidd er útbýr MasterCard nýja ávísun fyrir mismuninum að því gefnu að fjárhæð sé ekki fyrnd
- Greiða verður allan ferðakostnað með MasterCard kortinu svo hægt sé að nota MasterCard ferðaávísun til lækkunar á ferðakostnaði.
- Greiða verður allan ferðakostnað með MasterCard kortinu svo hægt sé að nota MasterCard ferðaávísun til lækkunar á ferðakostnaði.
- Greiða verður allan ferðakostnað með MasterCard kortinu svo hægt sé að nota MasterCard ferðaávísun til lækkunar á ferðakostnaði.
- MasterCard ferðaávísun verður að vera í gildi þegar flugferð er greidd!
Hvernig tryggingar er ég með á kortinu mínu ?
Best er að leita upplýsinga um hvaða tryggingar gilda hjá þeim þjónustuaðila sem gefur út kortið. Það gæti t.d. verið banki eða greiðslukortafyrirtæki.
